مسيحيات دوت كوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عم دقدق رئيسا لجمهورية مصر العربية

اذهب الى الأسفل

عم دقدق رئيسا لجمهورية مصر العربية Empty عم دقدق رئيسا لجمهورية مصر العربية

مُساهمة  ابو الياسمين والفل الخميس فبراير 10, 2011 11:30 am

[center]انا باقول نرشح عم دقدق اللى قاعد على باب الشارع لان هو فيه مواصفات كتيرة كويسة


1)انه أمين
2) قانوع جدا يعنى لما يطمع شويه حيسرق جنيه او لما يجنن يسرق عشره
3) لما يعيش فى القصر الجمهورى مش حيرضى يطلع منه الا على النقاله ودة لوحده يجعله يخشى الطرد ويرجع تانى للشارع لذا حيشتغل بضمير
4) عم دقدق مش بيخلف خالص لذا امراته تركته لوحده فى الشارع وهكذا لن يفكر فى التوريث نهائيا
5) عم دقدق فى الحقيقه اخرس فقط لا يتكلم وبهذا مش حيوجع دمغنا بالخطب والكذب ومش حيقدر يعطى اوامر للوزراء لكى يخرسوا الشعب
6) عم دقدق رجل حنين جدا وانا شاهد على هذا بنفسى ولذا لن تجد محتاج فى بلدنا
7) عم دقدق رجل اقتصادى جدا بيرضى بالقليل جدا وعصامى واكيد حيعمل كل شىء فى البلد لوحدة وبذالك لن نحتاج الى جيش المستشارين والوزراء ووكلاء الوزراء وغيرهم وبهذا هانوفر اجورهم
Cool عم دقدق رجل محترم ومحبوب من كل اهل الحى لذا لن يحتاج الى حراسة شخصية ولا ان يغلق الشوارع طوال اليوم حتى يمر ولهذا لن يحتاج الى الامن المركزى علشان يقف طول النهار قفاه الى الشارع ووشه الى الحيط
9) فيه احتمال ان عم دقدق يرفض يسكن فى القصر الجمهورى ويصر ينام على رصيف الشارع وبكده اهو يحرس الشارع كمان
10) عم دقدق عمره ما كسف احد فى حياته ودائما عندما يتكلم مع النساء ووجهة الى الارض مع انه اعمى لا يرى فقط
11) عم دقدق لا ولن يستمع الى وشايه من احد ولا ولن يثق فى الداخلية ولا فى اى اجهزة مخابرات لانه انسان عاقل جدا مع انه اطرش لا يسمع فقط.
لذا ضعوا ايديكم فى يدى لكى ننتخب هذا الرجل اللقطة ومش حنلاقى حد زيه ووداعا عمر بن عبدالعزيز وجده الفاروق عمر لانه مطلوب فى دول تانيه بس انا مخبيه عندى ومش خسارة فى مصر علشان مصر هى امى ونيلها هو دمى وشمسها فى سمارى حتى لونى قمحى لون نيلك يا مصر

ابو الياسمين والفل

المساهمات : 8
تاريخ التسجيل : 05/02/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى